ផឹកស្រាស្រវឹងដើរបាត់ពីផ្ទះ៣ថ្ងៃ ត្រូវប្រជាពលរដ្ឋទៅរកកាប់អុស ប្រទះឃើញដេកស្លាប់នៅក្នុងព្រៃ
08-January-2019 | ដោយ ពលមនសិការ
ឧត្តរមានជ័យ៖ នៅវេលាម៉ោង០៣និង៣០នាទីល្ងាច ថ្ងៃទី៧ ខែមករា ឆ្នាំ២០១៩ មាន ប្រជាពលរដ្ឋ ឈ្មោះ ជុំ វណ្ណះ ភេទប្រុស អាយុ២៨ឆ្នាំ រស់នៅភូមិរំចេកខាងលិច ឃុំអន្លង់វែង ស្រុកអន្លង់វែង ខេត្តឧត្តរមានជ័យ បានដើរទៅរកកាប់អុសនៅខាងកើតភូមិរំចេកខាងលិច ចំងាយ១៥០០ម៉ែត្របានប្រទះឃើញសាកសពជនរងគ្រោះ ឈ្មោះ បូ ជាតិ ភេទប្រុស អាយុ៣៧ឆ្នាំ រស់នៅភូមិរំចេក ឃុំអន្លង់វែង ស្រុកអន្លង់វែង ដេកស្លាប់នៅក្នុងព្រៃ។
តាមការបំភឺ្លរបស់ឈ្មោះ រ៉េន ហឿន អាយុ៣៥ឆ្នាំ ត្រូវជាប្រពន្ធបានប្រាប់សមត្ថកិច្ចឲ្យដឹងថា ជនរងគ្រោះត្រូវជាប្តីបានផឹកស្រាស្រវឹងដើរបាត់ពីផ្ទះកាលពីថ្ងៃទី០៤ ខែមករា ឆ្នាំ២០១៩ នៅពេលនោះប្រពន្ធតាមរកដែល តែរកមិនឃើញសោះមិនដឹងថា ដើរទៅទីណានោះទេ រហូតមកដល់ពេលនេះទើបដឹងថា ប្រជាពលរដ្ឋនៅក្នុងភូមិទៅរកកាប់អុសបានប្រទះឃើញដេកស្លាប់នៅក្នុងព្រៃ។
មន្ត្រីអាវុធហត្ថស្រុកបានឲ្យដឹងថា តាមការពិនិត្យនិងធ្វើកោសលវច្ច័យរបស់គ្រួរពេទ្យនិងការពិនិត្យរបស់សមត្ថកិច្ចជំនាញ សាកសពជនរងគ្រោះស្លាប់ដោយខ្សល់គ បច្ចុប្បន្នសពជនរងគ្រោះ ត្រូវបានប្រគល់ទៅអោយក្រុមគ្រួរសារធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ6851
- ម្សិលមិញ11441
- សប្តាហ៍នេះ36681
- ខែនេះ151831
- ឆ្នាំនេះ151831
- សរុប20594287